Nottingham Forest oo ku adkaysay Liverpool kuna qasabtay inay qaadato 1 dhibic.

Liverpool iyo Nottingham Forest waxay isku arkeen kulan xiiso leh oo ka dhacay garoonka City Ground, kaasoo ku dhammaaday barbaro 1-1 ah.

 Chris Wood ayaa Forest u dhaliyay goolka furitaanka daqiiqadii 8aad, isagoo oo  dhaliyay kubbad uu ka helay Morgan Gibbs-White. 

Liverpool ayaa isku dayday inay soo laabato, iyadoo haysatay kubadda inta badan, balse waxay la kulantay dhibaatooyin dhanka gool dhalinta. Daqiiqadii 66aad, tababaraha Liverpool, Arne Slot, ayaa sameeyay bedel cajiib ah, isagoo soo geliyay Diogo Jota iyo Kostas Tsimikas. 22 ilbiriqsi kadib soo gelitaankooda, Tsimikas ayaa soo qaaday koorno uu Jota madax ku dhaliyay, taasoo keentay goolka barbaraha. Intaa kadib, Liverpool ayaa sii waday cadaadiska, iyadoo fursado fiican heshay, balse goolhayaha Forest, Matz Sels, ayaa sameeyay badbaadino muhiim ah, gaar ahaan isagoo ka hor istaagay Mohamed Salah inuu gool dhaliyo.

 Natiijadan ayaa Liverpool ku sii haysay hogaanka horyaalka Premier League, iyadoo lix dhibcood ka sarreysa kooxda ku xigta, halka Nottingham Forest ay sare u soo kacday booska labaad, iyagoo sii wada qaab ciyaareedkooda cajiibka ah xilli ciyaareedkan.