Liverpool waxay guul 3-1 ah ka gaartay Leicester City ciyaar ka dhacday Anfield , taasoo u ogolaatay inay hoggaanka Premier League ku qabtaan farqi todobo dhibcood ah.
Leicester ayaa hogaanka qabatay daqiiqadii 6-aad markii Jordan Ayew uu gool dhaliyay, laakiin Liverpool ayaa barbaraha keentay daqiiqadii 45+1 markii Cody Gakpo uu shabaqa soo taabtay.
Bilowga qeybta labaad, Curtis Jones ayaa Liverpool hogaanka u dhiibay daqiiqadii 49-aad, waxaana goolka saddexaad dhaliyay Mohamed Salah daqiiqadii 82-aad, taasoo ahayd goolkiisii 100-aad ee Premier League ee garoonka Anfield.
Mohamed Salah ayaa ah hogaamiyaha gool-dhalinta Premier League, taas oo uu ku hayo goolal gaaraya 16 gool.
Reds ayaa xiliciyaareedkan aysan jirin koox Kuala tartami karta Premier League, Chelsea oo ah kooxda ugu dhowna waxag ka badisay kooxda Fulham.
Guushan waxay kordhisay guulaha xiriirka ah ee Liverpool ilaa 13 kulan, iyagoo haatan leh 42 dhibcood, halka Chelsea ay ku jirto kaalinta labaad oo leh 35 dhibcood, iyo Nottingham Forest oo leh 34 dhibcood.
Dhanka kale, Leicester waxay ku jiraan aagga heerka labaad, waxaana sugaya kulan adag oo ay la ciyaari doonaan Manchester City Axadda soo socota, halka Liverpool ay booqan doonto West Ham United isla maalintaas.
0 Comments