Arsenal ayaa la dheeshay kulan ka tirsan Premier League kooxda ay isku magaalada yihiin ee Chelsea kaas oo kusoo dhamaaday barbaro 1-1 ah kaas oo ay kala dhaliyeen Pedro Neto iyo Martinelli.
Macalinka Mikel Arteta ayaa si xanaaq leh uga far celiyey barbarihii ay kooxdisa ay la gashay kooxda Chelsea cadhana kula dul dhacay ciyaartoygiisa.
Barbarahan ayaa noqonaya mid jab wayn ku ah Arsenal kaas imika ay ka danbayso 9 dhibcood kooxda hogaanka haysa ee Liverpool.
Isaga oo hadlaya ayuu dhahay "Waxa aan siinaya goolka iyaga, waxa aan ahayn kooxda ka fiican dhinac kasta, aad ayaan uga niyad jabsanahay qaabka ay nooga dhaliyeen goolka. Ma ahayn qaab difaaceedki na loogu bartay, ma ahan wax la caqbali karo"
Macalinka ayaa la dareemaya in aanu ku faraxsanayn xaalada ay ku jirto kooxdisa iyada oo ay kooxdisa ay ka joogto kalinta afraad ee horyaalka Premier League.
Xiliciyaareedkan kooxaha waawayn ee Arsenal iyo Manchester City waxaad mooda in aanay ku tartamayn horyaal kan iyaga oo kooxda Man City macalinkooda hore isku dhiibayba isag oo dhahay "Malaha waxa la jooga xiligii ay kooxkale qaadi lahayd horyaal kan kadib markii 7 sano 6 kamida aanu qaadnay" ayuu dhahay
0 Comments